Truh ră anai phrâo hơmâo 1/3 mrô lŏn anai dưi pla glăi kyâo glai, samơ̆ boh tŭ yua dŏ aset. Mơng thun 2017, pok pơhai akŏ bruă 1123 mơng Jơnum min mơnuih ƀon sang tơring čar Gia Lai kơ bruă pơhrui glăi lŏn sua mă kiăng hơdai nao pla kyâo lăp djơ̆ hăng bruă wai lăng glai rưng hăng pla glăi glai, 17 boh tơring glông, plơi prong amăng tơring čar pơsur giăm 20 rơbâo boh sang anŏ čih lăi pơthâo đang hmua amăng lŏn glai, hăng đơ đam rơbêh 37.000 ektar.

Truh ră anai, hơmâo laih 11.000 ektar lŏn pơhrui glăi hơmâo pla glăi kyâo pơtâo. Smaơ̆, sit biă ñu ƀơi lu anih, mrô kyâo pơtâo hơdip aka ƀu lu yua pla ƀơi lăp djơ̆ hăng ƀu wai lăng. Anai lĕ ba truh kơ bruă ngă tui akŏ bruă ƀu tŭ yua yua lŏn glai sua mă mơng mơnuih djuai ania ƀiă lĕ sang anŏ tơnap tap lŏn hmua anai ƀing gơñu ngă sui laih, lơ̆m hơdai nao pla glai, mơnuih ƀon sang amra bưp tơnap tap. Hrŏm hăng anun, hơdră djru pla glai hăng prăk pơhrui mơng wai lăng glai dŏ aset yua anun bruă pơhrui glăi lŏn glai sua mă hăng pơsur mơnuih ƀon sang pla glai bưp tơnap tap.