VOV4.Jarai - Jơnum min mơnuih ƀôn sang tơring čar Gialai phrâo mă yua Kơčăo bruă ngă tui Jơlan hơdră pơkă mơng lŏn ia Hrŏ trun ƀun rin kơjăp rơwang 2021-2025. Tơhnal pơkă mơng Kơčăo bruă lĕ kơtưn hrŏ trun ƀun rin amăng neh wa djuai ania ƀiă, djru mơnuih ƀun rin yak rơgao rơnoh hơdip ƀiă hloh hăng mrô sang anô̆ ƀun rin hrŏ trun rơbêh kơ 3% rim thun.

Mă yua bôh thâo phrâo amăng bruă ngă đang hmua djru neh wa kual djuai ania ƀiă amăng ƀrư̆ tơtlaih mơng ƀun rin

Ngă tui Jơlan hơdră pơkă mơng lŏn ia hrŏ trun ƀun rin kơjăp rơwang 2021-2025, Gialai hưn đĭ hrŏ trun mrô sang anô̆ ƀun rin mơng đơ đam tơring čar hơnong ñu 2% sa thun hăng hrŏ trun sang anô̆ ƀun rin amăng neh wa djuai ania ƀiă rim thun rơbêh kơ 3%. Ăt amăng rơwang anai mơn, jơlan hơdră amra pok pơhai 7 rơwang bruă, amăng anun hmâo hơdôm rơwang bruă lĕ: Djru tuh pơplai pơđĭ kyar anom mă yua bơwih ƀong – mơnuih mơnam tơring glông ƀun rin; djru pơđĭ kyar bruă ngă đang hmua, pơplih gơnam ngă bơbuă; pơđĭ kyar bruă pơtô pơhrăm, bruă mă kơjăp phik; djru sang dô̆ kơ sang anô̆ ƀun rin, sang anô̆ ƀun rin ƀơƀiă ƀơi hơdôm bôh tơring glông ƀun rin; Jơlan hơdră hmâo abih bang prăk ngă tui rơbêh kơ 905 klai prăk./.

VOV4.TN čih

Siu H’ Prăk pơblang