VOV4.Jarai - Lơ 26/9, Khul ia jrao kyâu bơrơkal mriah tơring glông Đăk Pơ, tơring čar Gialai gum hrom hăng Khul pơtrut mơnuih mơnam dêh čar Australia (ASIF) ƀơi dêh čar Việt Nam pel ĕp glăi, jao 5 ring bruă ia bơmun khoer hơdjă gah rơwang bruă “Ia bơmun hơdjă kơ plơi” brơi kơ mơnuih ƀôn sang ƀơi tơring glông Đăk Pơ, tơring čar Gialai.

Ia hơdjă mơng jơlan hơdră “Ia bơmun khoer kơ plơi”

Kiăo tui anun, 5 ring bruă ia bơmun khoer dưi ƀơk ƀơi 5 bôh plơi, gah să Yang Bắc, tơring glông Đăk Pơ. Prăk mă yua pioh khoer ia bơmun mơng 80 truh kơ 120 klăk prăk ƀơi sa ring bruă. Amăng mông jao, mơnuih mă bruă gah Khul ia jrao kyâu bơrơkal mriah tơring glông hăng khul ASIF hmâo pơtô ba mơnuih ƀôn sang hơdră mă yua ăt kah hăng pơgang ring bruă. Rơwang bruă “Ia bơmun hơdjă kơ plơi” dưi pok pơhai mơng thun 2021 truh thun 2023 yua kơ khul ASIF gum hrom hăng Khul ia jrao kyâu bơrơkal mriah tơring čar Gialai ngă tui, amra pok pơhai djru 200 bôh ia bơmun khoer ƀơi tơring čar Gialai./.

Siu H’ Prăk: Pơblang