Giăm hmâo 400 čô čơđai sang hră dưi lăi pơhing hơdôm tơlơi pơkă mơng tơlơi phiăn amăng bruă jơlan nao rai pioh kơ rơdêh thut; hơdôm bôh yôm phun mơng Tơlơi phiăn rô nao rai ƀơi jơlan glông, măi lăi pơthâo ƀơi jơlan glông hăng pơsir tơlơi ƀơi jơlan.

Črăn hrăm bôh thâo mơgăt rơdêh pơhlôm ngă lu čơđai sang hră gum hrom

Hrom hăng anun lĕ hơdôm bôh yôm pơtô brơi hăng ngă tui bôh thâo, jơlan gah mơgăt rơdêh thut pơhlôm. Tui hăng Grŭp pơhlôm jơlan nao rai tơring čar Gialai, mơng akô̆ thun truh ră anai, ƀơi tơring čar hmâo laih 270 mơta tơlơi truh ƀơi jơlan nao rai, ngă 195 čô mơnuih djai, 215 čô mơnuih rơkă ruă, đĭ wot 3 mơta bơhmu hăng thun hlâo. Lăp bơngot lĕ lu hlăk ai tơdăm ngek dra muai, amăng anun hmâo čơđai ngă soh phiăn pơhlôm: Akă djop thun mơgăt rơdêh, ƀu đoa muk kaih, đuăi găn dăng jơlan... hăng ƀu thâo mơgăt rơdêh thut pơhlôm ba truh tơlơi pơjrom./.