VOV4.Jarai - Ngă tui hơdră bruă brơi čan prăk mă kơmlai ƀiă amăng Jơlan hơdră hơkrŭ glăi hăng pơđĭ kyar bơwih ƀong – mơnuih mơnam tui Tơlơi pơtrun pơsit mrô 11 lơ 30/1/2022 mơng Gong gai dêh čar, Sang prăk gah hơdră bruă mơnuih mơnam tơring čar Gialai hmâo pơphun hơdôm mông ngă hră brơi čan prăk kiăng hmao pơsir brơi prăk čan truh tơngan mơnuih ƀôn sang.

Ngă tui Jơlan hơdră hơkrŭ glăi hăng pơđĭ kyar bơwih ƀong – mơnuih mơnam tui Tơlơi pơtrun pơsit mrô 11 mơng Gong gai dêh čar, tal anai, Sang prăk gah hơdră bruă mơnuih mơnam tơring čar Gialai dưi pơpha rơbêh kơ 100 klai prăk kiăng ngă tui 3 jơlan hơdră: brơi čan djru bruă mă; brơi čan pioh kơ čơđai sang hră, ƀing hrăm gưl dlông hăng brơi čan kơ sang dô̆ mơnuih mơnam. Ră anai hơdôm anih anom glăk tañ pok pơhai hmao tlôn ba prăk čan mă kơmlai ƀiă truh hăng mơnuih ƀôn sang./.

Siu H’ Prăk: Pơblang