Grup K53 Kon Tum tơgŭ nao hyu ĕp, rŭ glăi tơlang tơhan pơsăn drơi ƀơi dêh čar Lao hăng Kur
Thứ tư, 07:20, 25/10/2023
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Mơguah tom brơi, lơ 24/10, ƀơi Sang bruă khua tơhan tơring čar Kon Tum, Khua mua git gai mrô 515 tơring čar Kon Tum, jơnum pơphun tơgŭ nao mă bruă brơi kơ Grup K53, hyu ĕp, rŭ mă tơlang tơhan pơsăn drơi yua kơ lŏn ia Việt Nam rơnuk blah ngă ƀơi dêh čar Lao hăng Kur.
Amăng bơyan không phang thun 2023-2024, grup K53 tơring čar Kon Tum hơmâo 67 čô khua mua, ling tơhan hyu ĕp, rŭ ba glăi tơlang tơhan Việt Nam pơsăn drơi jăn rơnuk blah ngă ƀơi 3 boh tơring čar: Attapư, Sekong hăng Champasak dêh čar Lao laih anun tơring čar Ratanakiri dêh čar Kur.
Pơhiăp ƀơi mông jơnum tơgŭ nao mă bruă mơ̆ng Grup K53, yă Y Ngok, Kơ-iăng Khua Jơnum min mơnuih ƀôn sang tơring čar, Khua git gai Khul mrô 515 tơring čar Kon Tum lăi, anai lĕ bruă mă tơnap, gleh glar laih anun yôm pơphăn hing ang; kiăng ngă bruă hơdor tơngia mơ̆ng djop gưl gong gai kơnuk kơna hăng mơnuih ƀôn sang djop djuai ania tơring čar Kon Tum hăng ƀing tơhan pơsăn drơi jăn yua kơ lŏn ia, hyu djru bruă mă hăng jar kmar, yôm biă mă.
Viết bình luận