VOV4.Jarai - Ƀrô djơ̆ Tết tui phiăn juăt Nhâm Dần 2022, Grŭp khua pơ ala mơnuih ƀôn sang tơring čar Daklak hmâo nao čuă, ƀơk gơnam tam Tết kơ hơdôm anih anom lu neh wa djuai ania ƀiă hmâo tơlơi hơdip tơnap amăng tơring čar. Grŭp hmâo hyu tơña bla, hơ-ư̆č hmưi Tết hăng brơi gơnam tam Ping gah, Jơnum min mơnuih ƀôn sang, Khul pơ ala mơnuih ƀôn sang, Jơnum min djop djuai ania mơnuih mơnam dêh čar Việt Nam hăng hơdôm bôh sang anô̆ hmâo tơlơi hơdip tơnap, sang anô̆ gah hơdră bruă gum djru mơng hơdôm bôh să: Yang Tao, Bông Krang (tơring glông Lak); Ea Ning, Ea Tiêu (tơring glông Čư̆ Kuiñ); Ea Hiu, Ea Yiêng (tơring glông Krông Pač).

Ơi Y Vinh Tơr – Khua Grŭp Khua pơ ala mơnuih ƀôn sang tơring čar Daklak jao gơnam Tết ƀơi tơring glông Lak

Tal anai, Grŭp khua pơ ala mơnuih ƀôn sang tơring čar Daklak brơi kơ Ping gah, Jơnum min mơnuih ƀôn sang, Khul pơ ala mơnuih ƀôn sang, Jơnum min djop djuai ania mơnuih mơnam dêh čar Việt Nam rim să sa anung gơnam hmâo 2 klăk prăk, gơnam tam hmâo nua 500.000 prăk hăng 1.000 blah bơnah gôm adung mơbah; brơi 20 anung gơnam kơ sa bôh să kơ hơdôm sang anô̆ gah hơdră bruă gum djru, sang anô̆ tơnap tap (rim anung gơnam hmâo 200.000 prăk hăng gơnam kiăng yuă hloh hmâo nua 300.000 prăk)./.

Siu H’ Prăk: Pơblang