Amăng mơmot tom brơi mơtăm hmâo hơdôm rơtuh bôh ƀirô, khul grŭp anom bơwih ƀong hăng ƀing thâo tơngia rơkâo gum djru keh prăk yua kơ mơnuih ƀun rin hăng hơđong tơlơi hơdip mơda mơnuih mơnam ƀôn prong hăng mrô prăk rơbêh kơ 50 klai 100 klăk prăk. Ƀôn prong ră anai dô̆ rơbêh kơ 2.100 bôh sang anô̆ ƀun rin hăng rơbêh kơ 22.200 ƀôh sang anô̆ ƀun rin ƀơƀiă kiăng gum djru.

Amăng mông ngă Lơphet pok phun, Grŭp pơsur yua kơ Keh prăk mơnuih ƀun rin ƀôn prong hmâo mă yua laih prăk yua kơ mơnuih ƀôn sang prăk djru 245 bôh sang anô̆ ƀun rin amăng ƀôn prong hăng abih bang mrô prăk 10 klai 400 klăk prăk pioh pơpha kơ hơdôm bôh tơring glông, plơi prong pioh pơdŏng sang dô̆ gum hrŏm hơbit hăng djru bruă mă kơ mơnuih ƀun rin./.