Amăng hrơi mông pơphun, ƀing hlăk ai 2 boh tơring čar Kon Tum hăng Đồng Nai hơmâo jao 400 anung gơnam brơi ƀing čơđai amăng să Đăk Kôi, tơring glông Kon Rẫy hăng abih tih nua ñu 100 klăk prăk; jao 100 blah sum ao hăng 50 anung prăk djru hrăm hră, rĭm čô čơđai sang anŏ tơnap tap arăng djru brơi 500 rơbâo prăk. Ƀrô tal anai khul hlăk ai tơring čar Đồng Nai ăt jao “Sang khăp pap” nua ñu 70 klăk prăk brơi sang anŏ yă Y Hà dŏ amăng ƀut plơi 9, să Đăk Kôi; djru brơi măi pơkă lăng ruă čơtăng arăt drah, ia jrao pik nua ñu 33 klăk prăk brơi mơnuih ƀôn sang amăng să; ƀơk 25 boh apui kơđen hrĭp pơ-iă yang hrơi yôl kơtuai tui “Jơlan bơngač amăng plơi pla” nua ñu rơbêh 37 klăk prăk.