Sit nik pok pơhai hơdôm bruă mă anăp nao čơkă mơ-ak hơdor glăi 120 thun pơdŏng tơring čar Dak Lak, mơ̆ng blan 3 thun anai, Ding jum Kông ang hmâo pơphun ngă Lơphet pok phun, jao sang dô̆ ngă gru hăng prăk djru pơdŏng 1.200 bôh sang dô̆ kơ mơnuih ƀun rin, mơnuih djuai ania ƀiă, sang anô̆ gah hơdră bruă, sang anô̆ ƀun rin tơnap tap kơ sang dô̆ ƀơi tơring čar Dak Lak.
Yă Nông Thị Thu, Kơ-iăng Khua Jơnum min djop djuai ania mơnuih mơnam dêh čar Việt Nam tơring čar Dak Lak brơi thâo, truh ră anai, Grŭp pơsur Keh prăk “Yua kơ mơnuih ƀun rin” tơring čar hmâo pơsur pơdŏng laih 352 bôh sang dô̆, abih bang nua ñu rơbêh kơ 23 klai prăk, hloh kơ kơčăo bruă ba tơbiă. Hơdôm anih anom hmâo ngă giong hăng jao 225 bôh sang dô̆ pioh mơnuih ƀôn sang tañ hơđong anih dô̆ amăng sang phrâo./.
Viết bình luận