Amăng tlam lơ 5/6, grup hyu mă bruă mơ̆ng khua mua tơring čar Dak Lak nao čuă hăng ƀơk gơnam kơ mơnuih tha 100 thun ƀơi tơring glông Krông Pač, tơña bla hăng pơtrut pran jua Khul wai lăng mơnuih tha rơma ƀơi tơring čar. Khul ngă hrŏm ƀing khua mua pơdơi abih thun bruă hăng mơnuih tha rơma tơring čar, Sang bruă djru ba mơnuih mơnam tơnap tơring čar.

Djop tơring glông amăng tơring čar ăt hyu čuă jơmư, ƀơk gơnam kơ 1.113 čô mơnuih tha rơma truh 90 thun hăng 100 thun. Rơnoh prăk blơi gơnam hyu ƀơk kơ mơnuih tha rơma truh 1 klai 35 klăk prăk. Khul mơnuih tha rơma tơring čar Dak Lak brơi thâo: hrŏm hăng bruă mă wai lăng pơgang ba tơlơi hơdip mơda, gơnam yua, djop gưl amăng khul ăt pơtrut tui bruă mă djru ba tơlơi hơdip mơda mơak, bơngăt jua hơđong kiăng ƀing tha rơma hơdip hyuk hyak mơak klă, hiam drơi jăn na nao.