Yua hơmâo jơlan hơdră djru ba, mơnuih ƀôn sang dŏ amăng kual ataih tơnap tap ƀơi Gia Lai hơmâo tŭ mă tơlơi bơwih ƀong huă kiăng hrưn đĭ pơklaih ƀun rin, hơmâo anŏ gêh găl tuh pơ alin kơ bruă ngă hmua pla pơjing, sĭ mơdrô, pơsir bruă mă anun hrưn đĭ ƀơƀrư̆ tơbiă mơ̆ng anăn sang anŏ ƀun rin, gum hrŏm ngă djơ̆ tơhnal pơkă pơklaih mơ̆ng ƀun rin hơđong kjăp, man pơdong plơi pla phrâo.

Truh ră anai, prăk brơi čan djru mơnuih tơnap tap hơmâo pok pơhai truh pơ djop să kual ataih, kual asuek tơnap amăng tơring čar Gia Lai. Rơnoh prăk brơi čan abih tih giăm 16.500 klai prăk, hăng rơbêh 500.000 wơ̆t sang anŏ ƀun rin, giăm ƀun rin hăng sang anŏ kơnuk kơna djru ba dưi čan prăk, amăng anun sang anŏ mơnuih ƀôn sang djuai ƀiă lĕ ha mơkrah. Mơ̆ng anun, mrô sang anŏ ƀun rin ƀơi tơring čar Gia Lai hrŏ trun mơ̆ng 23% thun 2014 trun dŏ 8% kah hăng ră anai.