Đĭ pơhiăp amăng mông pơphun jơlan hơdră anai, Ding kơna khul git gai Ping gah ơi Lương Cường pơsit tong, tơlơi hơđong hăng pơdrong asah mơng kual giăm guai lŏn ia kơđŏm glăi tơlơi gum pơgôp hăng tuh rơyuh pran jua mơng djop djuai ania lăi hrŏm hăng ƀing mơnuih arăng đăo gơnang mơng djop djuai ania hnun mơn. Anai lĕ “ƀing mơnuih plơi pla gơnang nao” ƀơi hơdôm kual ataih amăng lŏn ia Việt Nam kiăng khăp.

Ding kơna Khul git gai Ping gah ơi Lương Cường pơsit tong 200 čô mơnuih arăng pơpŭ tal anai lĕ ƀing mơnuih ba jơlan hlâo hrŏm hăng anom bruă git gai ling tơhan mut hrŏm wai pơgang guai lŏn ia, gir run kơdong glăi hơdôm tơlơi ngă soh ƀơi guai lŏn ia. Pơtô pơblang, pơtrut pơsur mơnuih ƀôn sang lăi pơthâo bruă ngă soh, anăm hmư̆ tui ƀing ngă soh, anăm găn nao rai ča čot pơgôp wai pơgang rơnuk rơnua, hơđong amăng ƀon lan.