Hyu ĕp, klơi rŭ tơlang tơhan hluai tui tơlơi črâo ba mơng mơnuih ƀôn sang ƀơi Gia Lai
Thứ hai, 10:44, 28/09/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Grup K52, Anom bruă git gai ling tơhan tơring čar Gia Lai phrâo gum hrŏm hăng hơdôm anom bruă bơdjơ̆ nao klơi rŭ đĭ sa per tơlang tơleh tơhan djai pơsăn drơi ƀơi pơsat mơnuih ƀôn sang dong amăng grup 5, kual plơi pla mrô 16, phương Quy Nhơn Nam.
Hlâo anun, kơnôl 18/9, ơi Phan Văn Sơn, mơnuih ƀôn sang ƀơi anai, hơdor glăi ñu juăt ƀuh hơdôm ƀĕ tơlang hăng akhăn čơtăng mơtah ƀô̆ đô̆i lơm glăk klơi luh ƀơi kual anai amăng blan 5/2022. Lơm ƀuh grup K52 pơphun hyu ĕp tơlang tơhan, ơi Sơn hơmâo nao lăi pơthâo brơi anih dor tơhan djai pơsăn drơi.
Anom bruă bơdjơ̆ nao ječ ameč pơsit tong hăng pơphun hyu klơi, mơng anun hơmâo ĕp ƀuh hơdôm ƀĕ tơlang tơkai, tơngan, akŏ, kang hrŏm hăng akhăn kơtăng ling tơhan. Tơlang tơhan aka ƀu thâo krăn anăn pô. Hơdôm anom bruă bơdjơ̆ nao amra tŏ tui ngă hră pơ-ar, mă ADN kiăng pơčrang lăng kiăng ĕp anăn krăn pô.
Viết bình luận