VOV4.Jarai - Kơ-iăng khua dêh čar ơi Phạm Bình Minh phrâo kĭ tơlơi pơtrun amăng jơlan hơdră bruă mă thun 2022 mơng Khul git gai gơnong glông kơ hơdôm jơlan hơdră tui hơnong pơkă dêh čar rơwang thun 2021-2025. Jơlan hơdră anai kiăng kơtưn amăng bruă git gai mơng gơnong glông truh pơ ƀon lan, pơhlôm gum hrŏm kjăp, tŭ yua hăng hmao tlôn amăng pơphô bruă, rơkâo đĭ hăng pơphun pok pơhai ngă tui hơdôm hơdră bruă, boh tơhnal, bruă jao, hơdră hơmâo ba tơbiă amăng 3 jơlan hơdră tui hơnong pơkă dêh čar amăng rơwang thun 2021-2025, anun lĕ: Jơlan hơdră man pơdong plơi pla phrâo, jơlan  hơdră pơhrŏ trun ƀun rin hơđong kjăp hăng jơlan hơdră pơđĭ kyar bơwih ƀong huă - mơnuih mơnam kual mơnuih djuai ania ƀiă hăng kual ataih asuek.

Siu Đoan: Pơblang