VOV4.Jarai - Pơhiăp ƀơi mông ngă lơphet 67 thun Hrơi pơpŭ bơni kơ ơi ia jrao Việt Nam (27/2), Khua dêh čar ơi Phạm Minh Chính lăi rơđah, “bruă ia jrao lĕ bruă mă yôm” laih anun bruă wai lăng, pơgang ba tơlơi suaih pral mơnuih ƀon sang jai hrơi klă hloh jing bruă kiăng ngă hlâo, jing tơlơi bơngơ̆t mơng khua mua Ping gah, Kơnuk kơna ta. Kơnuk kơna git gai kơ hơdôm Ding jum, anom bruă ječ ameč sem lăng ngă hră djru phara kơ ƀing ơi ia jrao, pơsir hĭ hơdôm tơlơi aka ƀu djơ̆, akŏ pơdong anih mă bruă klă đah mơng khăm pơjrao brơi mơnuih ƀon sang.

Khua dêh čar ơi Phạm Minh Chính

Ƀing ta dŏ hơmâo lu bruă khŏm kiăng ngă đah mơng dưi ngă djơ̆ hăng tơlơi čang rơmang mơng mơnuih ƀon sang. Mơnuih ƀom sang kiăng hơdôm boh sang ia jrao rơgoh, hơdjă hloh, pơhiăp mơ-ak hloh, nao pơjrao amuñ hloh; nua khăm pơjrao, ia jrao, gơnam yua ia jrao hơmâo wai lăng klă hloh, rơđah rơđông hloh; prăk pơhlôm nua ia jrao, pơhlôm nua mơnuih mơnam djơ̆ hloh hăng tŭ yua hloh.

Siu H’Mai: Pơblang