VOV4.Jarai - Amăng 2 hrơi lơ 27 hăng 28/4, ƀơi ƀon prong Đà Nẵng, Jơnum min Tơơi phiăn mơng Ƀirô khua git gai pơ ala mơnuih ƀon sang tal 15 pơphun jơnum abih bang tal 6 pel ĕp, sem lăng hơdôm kơčăo bruă čih tơlơi phiăn Tơlơi dưi mơnuih ƀon sang ƀơi plơi pla, tơlơi phiăn hơduah ĕp kơđi (pơplih pơkra glăi) hăng Hră pơdah thâo mơng Kơnuk kơna kơ bruă akŏ pơdong tơring kual Phương Sơn (tơring glông Lục Nam) hăng tơring kual Bắc Lý (tơring glông Hiệp Hòa), tơring čar Bắc Giang. Ƀơi mông jơnum, khua mua Jơnum min Tơlơi phiăn tŭ ư kiăng biă pơtrun tơlơi phiăn Ngă tơlơi dưi mơnuih ƀon sang ngă pô ƀơi kual plơi pla. Mơng anun, hmao kru pơsit jing tơlơi phiăn hơmâo ngă ƀơi lu anih mơnuih ƀon sang ngă pô xã hội chủ nghĩa hăng tơlơi pơtrun “mơnuih ƀon sang thâo, mơnuih ƀon sang pơčrông, mơnuih ƀon sang ngă, mơnuih ƀon sang pel ĕp, mơnuih ƀon sang wai lăng, mơnuih ƀon sang tŭ mă tơlơi hiam”. Kơ hră pơ-ar čih tơlơi phiăn, Khua mua Jơnum min Tơlơi phiăn kiăng Kơnuk kơna kơsem min dong đah mơng lăi pơthâo pơhrua tui ƀudah prăp lui lăi pơthâo rơđah rơđông, djơ̆ hloh kơ bruă lăi pơthâo glăi bruă ngă tui tơlơi phiăn.

Siu H’Mai: Pơblang