Jơnum bơkơtuai bruă mă, pơphun bơwih ƀong pơčeh phrâo hơdôm boh tơring čar kual Dap Kơdư
Thứ bảy, 10:53, 07/10/2023
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Tlam tom brơi (6/10), ƀơi Sang hră Đại học Tây Nguyên, plơi prong Buôn Ma Thuột, Jơnum min mơnuih ƀôn sang tơring čar Dak Lăk pơphun jơnum bruă mă, pơphun bơwih ƀong pơčeh phrâo hơdôm boh tơring čar kual Dap Kơdư thun 2023.
Ƀơi mông jơnum bơkơtuai, tui hăng ƀing khua pơ ala, Dap Kơdư jing anih hơmâo lu tơlơi gêh gal či pơđĭ kyar bruă ngă hmua, apui lơtrik phrâo, tuai čuă lăng anih anom glai klô pơlir hăng ngă hmua - pla glai hơđong kơjăp. Yua hnun, bruă pơtrut pơphun bơwih ƀong hăng bơwih ƀong pơčeh phrâo amăng hơdôm bruă dưi ngă, gêh gal anai amra jing tơlơi klă či pơtrut tơlơi bơwih ƀong amăng kual Dap Kơdư đĭ kyar.
Tui hăng Jơnum min mơnuih ƀôn sang tơring čar Dak Lăk, Jơnum jing bruă sit nik djru akŏ pơdong anih pơčeh phrâo kual Dap Kơdư tui tơlơi pơtrun mơ̆ng Ding jum kơđi čar kơ hơdră pơđĭ kyar bơwih ƀong huă - mơnuih mơnam hăng pơhlôm pơgang lŏn ia, rơnuk rơnua kual Dap Kơdư truh pơ thun 2030, lăng nao pơ anăp thun 2045.
Viết bình luận