Găn rơgao 10 thun ngă tui tơlơi pơtrun mrô 217/2023 mơng ding jum kơđi čar, Khul mơnuih mă bruă mut phung hăng Jơnum min djop djuai ania mơnuih mơnam djop gưl hơmâo git gai hăng mut hrŏm giăm 144 rơbâo mông krăi lăng hăng giăm 80 rơbâo wŏt lăi glăi; hơmâo rơbêh 408 rơbâo hră pơ-ar rơkâo tơdơi kơ krăo lăng, hăng rơbêh 39.200 hră pơ-ar rơkâo tơdơi kơ lăi glăi; hơmâo rơbêh 33 rơbâo pok hră pơ-ar lăi glăi mơng hơdôm anom bruă, khul grup hơmâo krăo lăng hăng hơmâo hră pơ-ar lăi glăi.

Hrŏm hăng hơdôm anŏ klă, bruă ngă tui tơlơi pơtrun mrô 217 ăt dŏ lu anŏ aka ƀu klă. Ơi Vũ Hồng Quang-Ding kơna Khul apăn bruă, Kơ-iăng Khua anom hơdră bruă tơlơi phiăn khul pơlir hơbit mơnuih mă bruă Việt Nam brơi thâo, hơdôm tơlơi anai amra hơmâo khul pơlir mơnuih mă bruă Việt Nam tŏ tui lăng glăi hăng pơphô bruă lơm čih pơkra tơlơi phiăn hăng hơdôm hră pơ-ar djơ̆ tơlơi phiăn amăng rơwang pơ anăp.