VOV4.Jarai-Tlam lơ 16/2, ƀơi Hà Nội pơphun jơnum jơnum lăng nao rai amăng tivi pok pơhai ngă tui hră pơtrun mrô 11 mơ̆ng Kơnuk kơna, kơ hơdră rŭ glăi tơlơi bơwih ƀong huă mơnuih mơnam laih anun pok pơhai ngă tui hră pơtrun mrô 43 mơ̆ng khua pơ ala mơnuih ƀôn sang dêh čar, kơ thun mă yua prăk kăk, prăk dêh čar tač rơngiao djru kơ Hơdră anai.

Mông jơnum abih bang

Nao jơnum hrom hăng pơhiăp git gai ƀơi mông jơnum, Kơ-iăng Khua dêh čar ơi Lê Minh Khái lăi lĕ, pok pơhai ngă tui jơlan hơdră gơgrong anăn čan prăk djru hmao kru, tŭ yua, djơ̆ mơnuih kiăng pioh djru kơ mơnuih ƀôn sang ƀun rin hăng hơdôm ƀing kiăng djru ba pơkŏn đah mơ̆ng găn rơgao tơlơi tơnap tap mơ̆ng klin kheng covid 19, djru hrom rŭ glăi tơlơi bơwih ƀong huă mơnuih mơnam tui hăng hră pơtrun mrô 11, kiăng kơtưn tơlơi gơgrong hloh ngă tui Hơdră anai, kiăng ngă hrom tong ten, kơplah wah djop ding jum, anom bruă, tơring čar kiăng ba glăi boh tŭ yua lu. Kơ-iăng khua dêh čar lăi rơđah: lơ̆m hơmâo hơdră hăng prăk kăk čan kiăng pok pơhai, brơi čan tañ hmao kru, tŭ yua, djơ̆ mơnuih kiăng, tŭ mă pơhaih rơđah rơđong.

Nay Jek: Pơblang