VOV4.Jarai - Mơguah lơ 27/9, Jơnum min apăn bruă git gai pơ ala mơnuih ƀon sang dêh čar pơphun Jơnum pok pơhai Bruă wai lăng mơng Khua mua pơ ala mơnuih ƀon sang dêh čar thun 2023. Mông jơnum pơsit, amăng thun blan rơgao, bruă wai lăng mơng Khua mua pơ ala mơnuih ƀon sang hơmâo ngă kơjăp tui, pơplih phrâo, jai hrơi klă tui, ba glăi boh than prong. Tơlơi wai lăng hơmâo Khua mua ruah mă djơ̆ hăng tơlơi hơmâo sit nik kiăng pơđĭ kyar lŏn ia, pơƀut amăng hơdôm bruă prong, yôm ƀudah hơmâo mơnuih ƀon sang lăp đing nao kơtang.

Ơi Vương Đình Huệ pơhiăp ƀơi mông jơnum.

Klah čun mông jơnum, Khua git gai pơ ala mơnuih ƀon sang dêh čar ơi Vương Đình Huệ kiăng hơdôm anom bruă git gai pơ ala mơnuih ƀon sang, anom apăn bruă pơsit bruă pơđĭ tui boh tŭ yua mơng bruă wai lăng jing sa tơlơi yôm pơphăn, phun akha pioh pơplih phrâo bruă mă mơng Ƀirô khua git gai pơ ala mơnuih ƀon sang tui tơlơi pơmin, jơlan ngă bruă mơng Ping gah kơ akŏ pơdong Kơnuk kơna tui tơlơi phiăn XHCN mơng Mơnuih ƀon sang, yua hơmâo mơng Mơnuih ƀon sang, bơwih brơi kơ Mơnuih ƀon sang.

Siu H’Mai: Pơblang