VOV4.Jarai - Mơguah lơ 8/9, ƀơi Hà Nội pơphun “Jơnum sang čơ bruă mă kơ hlăk ai drơi jăn ƀu klă”. Anai jing bruă yua Anom bruă hơduah mă bruă Hà Nội ngă hrŏm hăng Khul mơnuih drơi jăn ƀu klă (ƀing rơwen rơwô jô găng) ƀon prong pơphun tui không ngă bruă “Pơtô brơi, pơƀuh brơi bruă mă pơ anăp: Jơnum sang čơ bruă mă kơ hlăk ai amăng kual ASEAN ƀơi Việt Nam” yua Keh prăk ASEAN djru. Jơnum hơduah bruă mă kơ hlăk ai drơi jăn ƀu klă hơmâo rơbêh 40 anom bơwih ƀong, anom pơtô bruă gum ruah mă rơbêh 1.100 čô mơnuih mă bruă hăng hrăm bruă.

Ƀing drơi jăn ƀu klă hơmâo anom bơwih ƀong pơtô brơi, ruah ngă bruă.

Nao pơ mông Jơnum, hơdôm rơtuh čô mơnuih drơi jăn ƀu klă ƀơi Hà Nội hăng hơdôm boh tơring čar jê̆ giăm hơmâo lăi pơthâo kơ tơlơi hrăm bruă, kơ anih kiăng hơduah mơnuih mă bruă - jing tơlơi gêh gal brơi mơnuih drơi jăn ƀu klă hơmâo anom bơwih ƀong tơña ƀơi anăp, pơƀuh brơi bruă mă, djru brơi hrăm bruă djơ̆ hăng tơlơi thâo, djơ̆ hăng tơlơi dưi ngă mơng ƀing gơñu.

Siu H’Mai: Pơblang