Lu wơ̆t pơgôp hiăp čih pioh, truh ră anai, kơčăo bruă Tơlơi phiăn Lŏn mơnai phrâo lu tơlơi pơgôp hiăp dŏ phara đơi pơdjơ̆ nao tơhnal pơtrun mă yua lŏn amăng hơdră pơkă hnong yua lŏn. Bruă pơpha hnong tum teč reč tơhnal hơdră yua lŏn amra ngă tơnap amăng bruă pơsir tơlơi hơmâo, ƀu dưi djop ƀudah ƀưi ngă tui djơ̆ lăp yua anŏ pơblih phrâo hmar đơi rơnuk anai, ngă tơnap amăng bruă pok pơhai hăng bơbeč truh tơlơi tŭ yua hăng anŏ kiăng mơ̆ng mơnuih ƀôn sang, pô sang bruă mơdrô, tơbiă rai lu tơlơi phrâo hơdră ngă hră pơar gleh glar hloh. Yua kơ anun, kiăng pơblang tong ten rơđah rơđong hloh tơlơi phiăn pơkă, bruă pơtrun ngă, tơhnal pơkă hnong mă yua lŏn ƀơi djop gưl anom bruă pô pơpha yua lŏn.

Ăt amăng hrơi anai mơ̆n, Jơnum min apăn bruă phun pơ ala mơnuih ƀôn sang dêh čar pơgôp hiăp kơčăo bruă čih pơkra Hră pơtrun phun mơ̆ng anom bruă pơ ala mơnuih ƀôn sang dêh čar kơ bruă ngă tui hơdră mă jia sĭ mơdrô pơhrua nao dơ̆ng tui tơlơi pơtrun pơgăn ngă tơhluih atur bruă mă jia rŏng lŏn tơnah; pơgôp hiăp Hră pơtrun mơ̆ng khua pơ ala mơnuih ƀôn sang dêh čar kơ bruă ngă tui jơlan hơdră djru tuh pơ alin amăng bruă kơsem min ia rơgơi phrâo; pơgôp hiăp kơ hră lăi pơthâo pơhrŏ ƀiă phun tơdŭ mă bruă, hrơi blan pơsit tla prăk kơnuk kơna ba yua rim thun....