VOV4.Jarai - Khua dêh čar ơi Phạm Minh Chính phrâo hơmâo mông hiăp bit ƀơi anăp hăng lăng nao rai mơng ataih hăng rơbêh 4.500 čô kông nhơn ƀơi 63 anih pơlăng nao rai mơng hơdôm tơring čar, ƀôn prong amăng đơ đam dêh čar. Pơhiăp amăng mông bưp, Khua dêh čar ơi Phạm Minh Chính brơi, Ping gah, Kơnuk kơna hơmâo pơsit tong laih hăng hơmâo pơtrun lu hơdră bruă yôm phun, pơdah pran gơgrong, tơlơi kơ ƀing kông nhơn.

Mông hiăp bit hrŏm

Mơng mông hiăp bit anai, Khua dêh čar thâo rơđah dong tơlơi kiăng, pran đăo gơnang, tơlơi ngă mơ-ak kah hăng tơlơi dŏ ngă bơngŏt mơng kông nhơn, mơnuih mă bruă; hmư̆ hăng tŭ mă hơdôm tơlơi rơkâo đĭ, mơng anun tŏ tui pơgiong hơdră djru brơi kông nhơn, mơnuih mă bruă. Khua dêh čar rơkâo tơdơi kơ mông hiăp bit anai, djop Ding jum, gơnong bruă hăng ƀon lan pơphun mơtăm bruă čih pơkra akŏ bruă, thun blan pơsir hĭ rĭm bruă, hơmâo gơnam hăng boh than ba glăi tong ten, lăi pơthâo kơ kông nhơn, mơnuih mă bruă.

Siu Đoan: Pơblang