VOV4.Jarai - Mơmŏt tom brơi (17/10) ƀơi Hà Nội, Khua dêh čar ơi Phạm Minh Chính nao jơnum jơlan hơdră “Đơ đam dêh čar gum tơngan hrŏm yua mơnuih ƀun rin” thun 2022 hăng anăn “Bruă mă ba glăi tơlơi dưi”. Anai lĕ bruă mă yôm phăn gah kơđi čar, mơnuih mơnam hăng djru ană mơnuih kiăng ngă tui gru grua gum pơgôp, thâo djru tơdruă mơng mơnuih mơnam kiăng đing nao djru brơi mơnuih ƀun rin hrưn đĭ pơklaih mơng ƀun rin hơđong kjăp.

Khua dêh čar ơi Phạm Minh Chính đĭ pơhiăp amăng jơlan hơdră “Đơ đam dêh čar gum tơngan hrŏm yua kơ mơnuih ƀun rin”

Đĭ pơhiăp amăng mông jơnum, Khua dêh čar ơi Phạm Minh Chính pơsit tong, gum tơngan yua mơnuih ƀun rin - anăm brơi hlơi ôh dŏ glăi gah tlôn” yua Khua dêh čar jak iâu ngă tui hăng pơphun blan gum djru “yua mơnuih ƀun rin” thun 2022 ƀu djơ̆ kơnong tơlơi jak iâu đôč ôh ăt jing bruă mă tong ten, sit nik. Khua dêh čar rơkâo hăng iâu pơthưr: Djop ding jum, gơnong bruă, anom bruă, gong gai ƀon lan tŏ tui pok pơhai ha amăng plĕ, tŭ yua hơdôm tơlơi črâo trun, hơdră bruă amăng pơhrŏ trun ƀun rin, sit biă ñu lĕ 3 jơlan hơdră tui hơnong pơkă dêh čar. Pơsir hĭ hmao tlôn hơdôm tơlơi gun găn. Gir hrăm tui, rơgơi amăng bơwih ƀong, hơmâo lu dong bruă mă brơi mơnuih ƀun rin.

VOV/Siu Đoan: Pơblang