VOV4.Jarai - Mơguah lơ 17/2, Khua dêh čar ơi Phạm Minh Chính hơmâo pơhmư̆ mông Jơnum klah čun bruă dêh čar pơsir tơlơi truh sat yua boh pơtuh, boh min ngă rơnuk blah ngă ƀơi Việt Nam rơwang thun 2010-2020 hăng pơƀuh jơlan ngă bruă rơwang thun 2021-2025. Tơdơi kơ 10 thun ngă jơlan hơdră, bruă pơsir tơlơi truh rơnuk blah wang lăi hrŏm, amăng anun hơmâo pơsir tơlơi truh sat yua boh pơtuh ngă hơmâo ngă klă laih anun pơhrui glăi lu boh than yôm.

Khua dêh čar nao pơhmư̆ mông Jơnum klah čun bruă pơsir tơlơi truh yua boh pơtuh ngă.

Prăk pioh ngă bruă amăng 10 thun lĕ rơbêh 12 rơbâo klai prăk, amăng anun prăk amăng dêh čar ta rơbêh 10 rơbâo klai, hăng prăk djru mơng čar rơngiao hơmâo rơbêh 2 rơbâo klai prăk lu ring bruă yôm phun bơwih brơi bruă pơđĭ kyar bơwih ƀong huă - mơnuih mơnam mơng lŏn ia hơmâo ngă ƀơi lu kual lŏn arăng duñ pơƀut rơgoh laih boh min, mơnong ngă pơtuh. Rơbêh 5 rơbâo čô mơnuih hơmâo tơlơi ruă yua boh pơtuh ngă hăng mơnuih pơkŏn dong bơbeč djơ̆ hơmâo djru pơjrao brơi, pơtô bruă mă, hyu ĕp brơi bruă mă, djru rông gơnam, pla kyâo kiăng pơđĭ kyar bơwih ƀong huă hăng mrô prăk rơbêh 50 klai.

Siu H’Mai: Pơblang