VOV4.Jarai - Ƀơi anăp bruă hơmâo hơdôm anih sĭ ia săng krư̆ bah amăng, ƀu sĭ gơnam, ngă tơnap kơ bruă bơwih ƀong, nao rai mơng mơnuih ƀon sang ƀơi hơdôm boh tơring čar, Khua dêh čar hơmâo kông điên git gai hơdôm Ding jum, anom bruă, gong gao ngă tui ječ ameč, tơpă sit hơdôm tơlơi git gai mơng Khua mua Kơnuk kơna, amăng anun jao kơ Ding jum wai lăng bruă pơkra gơnam sĭ mơdrô, ngă hrŏm hăng hơdôm Ding jum, anom bruă bơdjơ̆ nao, khut khăt git gai ngă bơkơnar brơi bruă sĭ hăng blơi ia săng tui tơlơi dưi hăng bruă hơmâo jao, pơhlôm ƀu pioh kơƀah ia săng ia jâo kơ anih sĭ mơdrô, mơnuih blơi yua amăng dêh čar ôh; pơphun hyu sem lăng, pel ĕp hơdôm anom bruă ba sĭ ia săng ia jâo, hơdôm boh sang sĭ mơdrô ia săng ia jâo đah mơng tañ ƀuh bruă arăng pơkŏng lui ia săng ia jâo hăng hơdôm tơlơi ngă soh pơkŏn tơdah hơmâo amăng bruă sĭ mơdrô săng jâo; Jơnum min mơnuih ƀon sang hơdôm boh tơring čar, ƀon prong pel ĕp, wai lăng kơjăp bruă sĭ ia săng ia jâo mơng hơdôm anih sĭ mơdrô anet, pơhlôm huăi ngă tơ̆i đưn bruă sĭ mơdrô...

Siu H’Mai: Pơblang