VOV4.Jarai - Jơnum min mơnuih ƀôn sang tơring čar Sơn La phrâo jơnum Grŭp pơphun bruă pơlir hơdôm tơlơi Jơnum Khua dêh čar bơkơtuai hăng mơnuih ngă đang hmua; Festival bôh troh hăng gơnam OCOP Việt Nam thun 2022 ƀơi tơring čar Sơn La. Bruă jơnum Khua dêh čar bơkơtuai hăng mơnuih ngă đang hmua Việt Nam thun 2022 hăng Festival bôh troh hăng gơnam OCOP Việt Nam thun 2022 jing bruă jơnum kơđi car yôm phăn amra dưi pơphun ƀơi tơring čar Sơn La amăng blan 5/2022. Bruă jơnum amra pơphun ƀơi anăp pơ̆ anih tô nao rai phun tơring čar Sơn La hăng lăng nao rai mơng ataih truh 62 bôh anih anom amăng đơ đam dêh čar. Ră anai hmâo ruah mă giong laih hơdôm tơlơi gum pơhiăp, ba tơbiă mơng ƀing kơsem min, anom bơwih ƀong, Anom mă bruă hrom, mơnuih ngă đang hmua ƀơi mông Jơnum; rơkâo tơlơi črâo ba mơng Ping gah tơring čar; ruah mă anăn 200 čô mơnuih ngă đang hmua mơbruă hloh nao pơhmư̆ mông jơnum ƀơi anih tô nao rai mơng tơring čar, ruah mă 10 čô mơnuih ngă đang hmua rơgơi hloh gum hrom bơkơtuai ƀơi anăp pơ̆ anih jơnum./.

Siu H’ Prăk: Pơblang