Klah čun bruă jơnum, Khua dêh čar ta ơi Phạm Minh Chính hmâo jao laih bruă mă kơ rim ding jum, gơnong bruă, anom bruă, anom bơwih ƀong hăng bruă gơgrong mơ̆ng tơring čar, ƀôn prong amăng bruă iâo pơhrui ngăn drăp djru hrŏ trun sang tơ̆i kơ sang anô̆ ƀun rin, sang anô̆ ƀun rin ƀơƀiă. Khua dêh čar ta lăi rơđah, bruă bơkơtưn “Gum tơngan hrŏm sut lui sang tơ̆i amăng đơ đam dêh čar amăng thun 2025” dưi pok phun, pok pơhai ba glăi bôh tơhnal, ƀu ngă tui tŭ mơ̆ng hmâo ôh.

Khă hnun hai, kiăng ngă giong tui tơhnal ba tơbiă sut lui sang tơ̆i amăng đơ đam dêh čar amăng rơnuč thun 2025, čơkă mơ-ak Jơnum đơ đam dêh čar tal 14 mơ̆ng Ping gah hăng hơdor glăi 80 thun Hrơi pơdŏng lŏn ia, 50 thun hrơi tơtlaih rơngai kual Dơnung dêh čar, pơlir hơbit lŏn ia, kiăng hmâo hơdră ngă phrâo, khut khăt, hmâo akô̆ tlôn, ba glăi bôh tơhnal prong.

Ăt amăng čơtlăm tom brơi mơn, Khua dêh čar ta ơi Phạm Minh Chính hmâo tŭ jum Khua anih jưh pơ ala kơ dêh čar Khač ƀơi Việt Nam Hà Vĩ ƀrô djơ̆ tal pơphun rơwang bruă ƀơi Việt Nam./.