Tui tơlơi pơtrun, jơlan rơdêh đuăi hmar Tân Phú - Bảo Lộc glông giăm 66 km. Jơlan anai tuh pơ alin man pơkra tui hơnong pơkă jơlan rơdêh đuăi hmar brơi rơdêh đuăi 80 km/mông, hăng 4 bơnah brơi rơdêh đuăi nao rai. Hăng abih tih prăk tuh pơ alin lĕ 17.200 klai prăk. Jơnum min mơnuih ƀon sang tơring čar Lâm Đồng lĕ anom bruă wai lăng hăng pơlir hăng anom bruă tuh pơ alin. Khua dêh čar rơkâo djop ƀon lan hăng djop ding jum, gơnong bruă bơdjơ̆ nao gum hrŏm kjăp amăng pok pơhai tui akŏ bruă anai.

Hơnong pơkă kiăng ƀơƀrư̆ pơjing jơlan glông hiam hruaih, dưi pơkuh nao rai, đuăi nao rai tañ hloh hăng hơdôm tơring čar kual Dap kơdư hăng hơdôm kual bơwih ƀong huă akŏ phun gah Dơnung hăng hơdôm kual bơwih ƀong huă, mơnuih mơnam, tuh tia pơkra pơjing kơtuai tui jơlan mrô 20; laih dong pơtrut pơđĭ kyar bơwih ƀong huă-mơnuih mơnam, pơtrut pơđĭ kyar bơwih brơi tuai čuă ngui amăng tơring čar Lâm Đồng lăi phara hăng kual Dap kơdư hnun mơn. Akŏ bruă anai him lăng amra pơgiong hăng mă yua amăng thun 2026.