Đại tướng Phan Văn Giang hơ-ư̆č hmưi, pơsit yôm hơdôm bôh than mơ̆ mơnuih ƀôn sang plơi Đăk Tiêng Kơ Tu dưi ngă amăng hơdôm thun rơgao. Đại tướng lăi rơđah: Gum hrom hơbit lĕ hơdră pơtrun, hơdră bruă prong mơng Ping gah hăng Wa Hồ kiăng ngă tui prong hloh pran kơtang abih bang djuai ania.

Hmâo jing laih jơlan nao klă, mơng lu thun hăng anai bruă pơphun Hrơi jơnum ngui gum hrom hơbit abih bang mơnuih ƀôn sang ƀơi hơdôm kual mơnuih ƀôn sang dô̆ jing laih gru hiam phiăn juăt, ngă brơi bruă jơnum min truh hăng mơnuih ƀôn sang, anăp nao rim sang anô̆ hăng rim mơnuih ƀôn sang. Tal anai, Đại tướng Phan Văn Giang ƀơk 100 bôh sang dô̆ gum hrom hơbit kơ mơnuih ƀôn sang djop djuai ania tơring čar Kontum hăng anih bang nua ñu 5 klai prăk. Grŭp mơnuih hyu mă bruă hăng tơring čar Kontum ăt hmâo ƀơk mơn gơnam tam brơi giăm truh kơ 100 bôh sang anô̆ gah hơdră bruă hăng sang anô̆ ƀun rin mơng să Đăk La./.