Tơlơi phiăn hơmâo 5 črăn, 32 tơlơi, amra dưi mă yua mơ̆ng lơ 1/3 pơ anăp. Lăi pơthâo hră lăi glăi, Ding kơna Jơnum min apăn bruă pơ ala mơnuih ƀôn sang ơi Hoàng Thanh Tùng brơi thâo, tơdơi kơ hmư̆ tui tơlơi pơgôp hiăp mơ̆ng ƀing khua pơ ala kơ pơhlôm djơ̆ hrŏm abih bang mơ̆ng tơlơi phiăn hăng čih pơkra phrâo hăng abih bang tơlơi phiăn laih anun pơhlôm bruă kah gưl ngă bruă, jao tơlơi dưi khŏm djơ̆ hăng bruă wai lăng tơlơi dưi ngă bruă, pơgăn glăi bruă ah drơi pô ngă khua mơ̆ ngă bruă ča čot, đah mơ̆ng ngă tui tơlơi pơtrun mơ̆ng Ping gah hăng Kơnuk kơna kơ pơtrut kah pơpha gưl ngă bruă, jao bruă dưi ngă, pơđĭ tui tơlơi gơgrong bruă mơ̆ng ƀing khua.

Rơngiao kơ anun dong, pơtrut pran jua prăp rơmet hlâo, pơčeh phrâo, khin pơmin, khin ngă, gơgrong bruă mơ̆ng djŏp anom bruă kơnuk kơna, hmao kru pơklaih brơi tơlơi dŏ đom, tơnap tap amăng bruă ngă hră pơ-ar, ngă hruaih brơi kiăng dưi đĭ kyar, pơhlôm pơgang hlâo hăng hơdôm tơlơi pơplih amăng lŏn ia hăng ƀơi jar kmar, yua kơ tơlơi đĭ kyar mơ̆ng lŏn ia, laih dong pơhlôm dưm kơnar hăng hơdôm tơlơi hơmâo hmư̆, pơgôp hiăp, pơplih glăi amăng Tơlơi phiăn anom bruă gong gai tơring čar ƀôn prong (pơkra glăi).