VOV4.Jarai - Tlam lơ 8/8, ƀơi sang bruă Khua pơ ala mơnuih ƀon sang, Khua git gai pơ ala mơnuih ƀon sang dêh čar ơi Vương Đình Huệ git gai mông jơnum ngă bruă mơng khua mua pơ ala mơnuih ƀon sang hăng Ding jum kông ngăn lŏn tơnah hăng ayuh hyiăng kơ bruă pơplih, pơhrua tui Tơlơi phiăn lŏn tơnah. Lăi pơthâo glăi ƀơi mông ngă bruă, Khua ding jum kông ngăn lŏn tơnah hăng ayuh hyiăng Trần Hồng Hà brơi thâo, bruă pơplih pơkra tơlơi phiăn lŏn tơnah glăk pơhmư̆ tơlơi pơgôp hiăp mơng ƀing bơdjơ̆ nao, hơmâo ngă kiăo tui Tơlơi pơtrun mrô 18, hơdôm tơlơi pơtrun, tơlơi klah čun pơkŏn đah mơng hơmâo tơlơi phiăn djŏp, tum pơƀut djŏp tơlơi pơgôp hiăp, tơlơi pơtrun mơng Ping gah kơ bruă wai lăng hăng mă yua lŏn; pơhlôm kiăo tui gru tơhnal mơng hơđăp mơn, hơđong kơjăp mơng tơlơi phiăn...Amăng hrơi mông čih pơkra tơlơi phiăn, Ding jum hơmâo lăng rơbêh 100 tơlơi phiăn gah lŏn tơnayh đah mơng pơplih pơkra glăi mơtăm amăng Tơlơi phiăn anai, ƀudah rơkâo pơplih hơdôm Tơlơi phiăn bơdjŏ nao pơhlôm djŏ hrŏm, dưm kơnar mơng tơlơi phiăn djơ̆ tui Tơlơi pơtrun mrô 18-NQ/TW. Tơdơi kơ hmư̆ tơlơi pơgôp hiăp, Khua git gai pơ ala mơnuih ƀon sang dêh čar ơi Vương Đình Huệ pơsit: Kơčăo bruă tơlơi phiăn (pơplih pơkra) amra hơmâo khua mua pơ ala mơnuih ƀon sang pơgô̆p hiăp blung a amăng mông Jơnum lok 4, Khua git gai pơ ala mơnuih ƀon sang dêh čar tal 15 laih anun sem lăng amăng 3 wơ̆t jơnum, gir amăng thun 2023 hơmâo ngă giong tơlơi phiăn lŏn tơnah.

Khua git gai pơ ala mơnuih ƀon sang ơi Vương Đình Huệ kiăng Kơnuk kơna pơdah hră pơ-ar Tơlơi phiăn pơ hơdôm anom bruă pơ ala mơnuih ƀon sang hlâo lơ 1/9 đah mơng sem lăng, pơgôp hiăp ƀơi mông jơnum Jơnum min khua apăn bruă pơ ala mơnuih ƀon sang dêh čar.

Siu H’Mai: Pơblang