Pơ ala kơ khua git gai Ping gah, Kơnuk kơna, Khua pơ ala mơnuih ƀôn sang, Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn mơ-ĭt truh ƀing Amĭ Việt Nam sông kơtang, sang anô̆ hmâo mơnuih djru ngă hơkrŭ đưm hơ-ơč hmưi tơlơi suaih pral, yâo mơ-ak hăng truh kih. Rơgao kơ tơlơi lăi pơthâo glăi mơ̆ng khua mua ƀôn prong Cần Thơ, Khua git gai wai lăng pơ ala mơnuih ƀôn sang dêh čar ta pơsit yôm bruă rim thun ƀôn prong Cần Thơ đing nao biă, bơwih brơi sang anô̆ gah hơdră bruă hmâo pơsur laih 9 klai 400 klăk prăk pioh bơwih brơi kơ sang anô̆ gah hơdră bruă.

Pơ̆ anăp anai, Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn rơkâo, ƀôn prong kơtưn ngă tui Tơlơi črâo ba 14 mơ̆ng Grŭp apăn bruă Ping gah kơ kơtưn tơlơi git gai mơ̆ng Ping gah pioh kơ bruă mă gah mơnuih djru ngă hơkrŭ đưm hăng ngă hơkrŭ pioh hơdôm hơdră bruă mơ̆ng Ping gah hăng Kơnuk kơna dưi pok pơhai tum djop truh hăng mơnuih djru ngă hơkrŭ. Ƀơi anai Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn hăng Grŭp hyu mă bruă hmâo ƀơk laih 50 anung gơnam brơi kơ ƀing Amĭ Việt Nam sông kơtang, sang anô̆ gah hơdră bruă, mơnuih djru ngă hơkrŭ đưm mơbruă./.