Pơ ala kơ khua mua kơnuk kơna, Khua mir sir ơi Lương Cường lăng yom hăng bơni kơ boh tơhnal, bruă dưi ngă mơ̆ng ping gah, gong gai kơnuk kơna, mnuih ƀôn sang hăng ling tơhan amăng tơring čar Phú Thọ hơmâo ngă thun 2025.

Ƀơi anăp, hơdôm hrơi hlâo kơ truh têt djuai ania ta, Khua mir sir ơi Lương Cường rơkâo djop gưl anom bruă ping gah, gong gai kơnuk kơna tơring čar Phú Thọ ăt pơtô lăi tong ten, pơphun pok pơhai ngă tui khut khăt, lăng tui kơjăp jơlan hơdră, hră pơtrun mơ̆ng Ping gah, kơnuk kơna brơi đing nao djru ba tơlơi hơdip mơda mơnuih ƀôn sang, pơphun ngă yang thun phrâo ƀong têt Bính Ngọ thun 2026 kiăng pơhlom mơak, tơpă ară, rơnuk rơnua, pơkrem; biă mă ñu đing nao, djru ba djop hơdôm sang anŏ hơmâo gum kơna bruă hơkrŭ, tơña bla neh wa amĭ Việt khin hơtai, ƀing tơhan rơka rơkač, tơhan hơmâo tơlơi ruă nuă, sang anŏ mơnuih djai pơsăn drơi jăn yua kơ lŏn ia, sang anŏ mơnuih hyu mă bruă apah ƀun rin. Ƀrô djơ̆ tal anai, Khua mir sir ơi Lương Cường, hơmâo jao brơi 500 anung gơnam kơ sang anŏ ƀun rin, 500 anung gơnam kơ mơnuih mă bruă apah ngă kông ñơn sang anŏ dŏ tơnap tap.