Mơmŏt lơ 14/11, Khua mir sir ơi Nguyễn Xuân Phúc nao ngui hrŏm neh met wa ƀơi phường Điện Biên, kuận Ba Đình, Hà Nội amăng hrơi gum pơgôp djop djuai ania. Khua mir sir ơi Nguyễn Xuân Phúc lăng yôm gưl Ping gah, gong gai hăng djop anih anom ƀơi Điện Biên lêng thâo pơčeh phrâo, hur har hăng tŭ yua amăng bruă git gai ngă pơgiong djop mơta bruă jao, pơđĭ kyar bơwih ƀong huă, mơnuih mơnam ƀơi ƀon lan.

Khua mir sir čang rơmang, pơ anăp anai, gưl Ping gah, gong gai, Jơnum min djop djuai ania mơnuih mơnam, djop khul grup hăng abih bang mơnuih ƀon sang ƀơi phường Điện Biên tŏ tui ngă klă dong bruă pơtô pơblang hăng pơtrut pơsur mơnuih ƀon sang ngă tui djơ̆ tơlơi črâo trun mơng Ping gah, hơdră bruă, tơlơi phiăn mơng Kơnuk kơna kah hăng hơdôm tơlơi pơkă mơng ƀon lan; mut hrŏm pơjing tơlơi hơdip hiam klă, thâo djru tơdruă, khăp pap, pơdah pran pơ-ư ang mơng mơnuih ƀon sang Hà Nội.