Tơdơi kơ 25 thun akŏ pơjing hăng ngă bruă, keh prăk djru hrăm hră Vừ A Dính hơmâo jao prăk djru hrăm hră brơi ƀing čơđai sang hră djuai ania ƀiă đơ đam dêh čar; lu čơđai dưi mut hrŏm hơdôm jơlan hơdră pơtô pơjuăt dơlăm tui yua keh prăk pơphun, mơng anun pơgôp yôm phăn hrưn đĭ hơmâo lu dong mơnuih mă bruă thâo rơgơi amăng lŏn ia. Grup yua Hoàng Sa hăng Trường Sa kiăng khăp hơmâo pok pơhai lu bruă mă sit nik, pơtrut pran khăp pap mơng abih bang mơnuih, pơgôp pran mă bruă…Kiăng mut hrŏm pơjing, wai pơgang bul pơtâo Hoàng Sa hăng Trường Sa kơ lŏn ia ta.

Khua mir sir ơi Võ Văn Thưởng hok mơ-ak hăng hơdôm boh than dưi ngă sit nik hăng yôm phăn mơng Keh prăk djru hrăm hră Vừ A Dính hăng grup yua kơ Hoàng Sa, Trường Sa  kiăng khăp amăng hơdôm thun laih rơgao. Khua mir sir ơi Võ Văn Thưởng pơsit tong, keh prăk djru hrăm hră Vừ A Dính, kiăng tŏ tui gru grua yôm phăn mơ̆ Keh prăk hơmâo pơjing; ƀu pơdơi gum djru sit nik brơi ƀing čơđai djuai ania ƀiă.