Hră pơtrun anai pơkă, lơ̆m ƀing khua, mơnuih mă bruă mơ̆ng kơnuk kơna, mơnuih mă bruă amăng să ƀudah mơnuih mă bruă ngă rah lu mơta bruă pơkŏn dong jing ngă pơhrŏ hĭ 1 čô mơnuih mă bruă, tui hăng tơlơi pơkă hơmâo mă abih tih 100% prăk apah ƀudah prăk djru ngă rah bruă pơkŏn; tơdah ngă lu mơta bruă đơi ăt dưi ƀong prăk apah sa rơnoh lu biă mă mơn.

Prăk ngă bruă hơmâo pơhlom tui prăk mơ̆ng Kơnuk kơna brơi nao kơ tơring mơn. Hăng mơnuih ƀu ngă apăn sa mơta bruă ƀơi plơi pla, ƀôn ƀut, rơnoh prăk djru kiăo tui rim kual mơn. Pơkă rơđah tui hăng anai, Khua ping gah plơi hơmâo ƀong rơnoh 2,8 wơ̆t hăng rơnoh prăk blan đoi đom ƀơi plơi pla, ƀôn ƀut pơkă kual mrô 1 hăng 2,5 wơ̆t ƀơi hơdôm boh tơring dŏ glăi; Khua plơi, khua ƀut dưi ƀong prăk apah rơnoh 2,7 hăng 2,3; Khua jơnum min djŏp djuai ania mơnuih mơnam hơmâo mă prăk apan 2,5 hăng 2,0 wơ̆t pơhmu hăng prăk blan đoi đom kơnuk kơna pơkă./.