Nao jơnum hrŏm hơmâo khua mua jơnum min mơnuih ƀôn sang tơring čar, khua mua hơdôm gơnong bruă tơring čar laih anun 250 čô hlăk ai pơ ala brơi kơ 90 rơbâo čô tơdăm dra mut phung. Jơnum anai, bơ ră ruai rơhmač tơpă, khua mua djop anom bruă ƀơi tơring čar hơmâo lăi glăi hơdôm tơlơi tơña mơ̆ng ƀing hlăk ai. Lu hlăk ai amăng tơring čar tơña kơ bruă pơdjơ̆ hăng kah hăng: tơlơi gơgrong ba mơ̆ng hlăk ai kơ bruă pơblih yua mrô, jơlan hơdră djru, pơtô hrăm, pơčrâo ba bruă mă, pơsir bruă mă kơ hlăk ai pơblih yua mrô, bơwih ƀong huă yua mrô.

Ơi Nguyễn Tuấn Hà, Kơ-iăng khua jơnum min mơnuih ƀôn sang tơring čar Dak Lak lăng yôm hơdôm tơlơi pơgôp hiăp mơ̆ng ƀing hlăk ai tơdăm dra tơña nao, laih anun lăi hơdôm tơlơi tơña anun lăp đing nao biă mă, yua pơdjơ̆ nao lu bruă mă yôm pơđĭ kyar bơwih ƀong huă ba yua mrô hăng pơblih yua mrô ƀơi tơring čar.