Tô̆ tui jơlan hơdră tal jơnum lok 4, Khua pơ ala mơnuih ƀôn sang dêh čar ta tal 15, tom hrơi lơ 3/11, Khua pơ ala mơnuih ƀôn sang dêh čar ta tô̆ tui dong mông tơña hăng lăi glăi tơlơi tơña hăng Khua Ding jum man pơdŏng Nguyễn Thanh Nghị. Hrom hăng anun ba tơbiă tơlơi tơña kơ Khua Ding jum wai lăng tơlơi pơhing hăng pôr pơhing Nguyễn Mạnh Hùng kơ bruă wai lăng mrô telephone mă yua, akô̆ mrô, pơsir tơlơi sim djah, pơdong bruă bơwih ƀong mrô, gong gai mrô.

Hrom hăng bruă Khua pơ ala mơnuih ƀôn sang dêh čar ta, ƀing khua pơ ala mơnuih ƀôn sang čang rơmang, Khua Ding jum wai lăng tơlơi pơhing hăng pôr pơhing amra hmâo sa glông bruă pơdŏng anom mă yua djru kơ bruă pơdŏng mơnuih mơnam mrô, gong gai mrô. Biă ñu lĕ jơlan gah pơplih mrô, mă yua hơdră phrâo măi mok kơ kual asuek, ataih, hrom hăng neh djuai ania ƀiă. Bôh nik anom mă yua mrô mơng ƀing ta ră anai ƀơi hơdôm kual asuek, ataih ăt akă sit nik djơ̆ mơn. Ƀing khua pơ ala čang biă Khua Ding jum wai lăng tơlơi pơhing hăng pôr pơhing amra hmâo jơlan gah pioh pơplih pơkra, pơplih phrâo hăng pơjing anih mă yua mrô mơng Việt Nam./.