Tô̆ tui jơlan hơdră Tal jơnum lok 6, Khua pơ ala mơnuih ƀôn sang dêh čar ta tal 15, mơguah anai, Khua pơ ala mơnuih ƀôn sang bơkơtuai ƀơi sang rông pơsit tơlơi ngă tui ngăn drăp kơnuk kơna thun 2023; Pơsit krah rơwang bruă ngă tui Kơčăo bruă tuh pơplai bruă hrŏm găp ƀrô rơwang 2021-2025; Kơčăo bruă prăk kak dêh čar hăng čan, tla hnưh hrŏm 5 thun rơwang 2021-2025.

Čơtlăm, ƀing khua pơ ala bơkơtuai ƀơi sang rông kơ sa dua bôh yôm dô̆ hmâo tơlơi gum pơhiăp pha ra mơ̆ng hră čih Tơlơi phiăn hơdôm khul brơi čan prăk (pơplih pơkra). Mơguah anai (2/11) Khua pơ ala mơnuih ƀôn sang dêh čar ta pơsit tơlơi ngă tui ngăn drăp kơnuk kơna thun 2023, jơlan gah pơpha ngăn drăp kơnuk kơna thun 2024 Tơlơi lăi pơthâo glăi kơ ngă tui ngăn drăp kơnuk kơna thun 2023, pơkă hlâo ngăn drăp kơnuk kơna, jơlan gah pơpha ngăn drăp kơnuk kơna thun 2024, Kơčăo bruă prăk kak - ngăn drăp kơnuk kơna 3 thun 2024-2026, Khua Ding jum prăk kak dêh čar Hồ Đức Phớc brơi thâo, Pơhrui ngăn drăp kơnuk kơna ngă tui 9 blan thun 2023 dưm dưm hăng 75% mrô pơkă hlâo, mrô iâo pơhrui mut ngăn drăp kơnuk kơna năng ai ñu hmâo 15% GDP. Pơhrui ngăn drăp kơnuk kơna sa thun đĭ năng ai ñu 4,6% bơhmu hăng mrô pơkă lăng hlâo. Gah prăk mă yua ngăn drăp kơnuk kơna thun 2023, him lăng ngă tui 9 blan dưm dưm hăng 59% pơkă lăng hlâo. Thun 2023, yap him lăng ngăn drăp mă yua năng ai ñu 4% GDP. Truh rơnuč thun 2023, hơdôm tơhnal pơkă hnưh bruă hrŏm, hnưh Gong gai dêh čar, hnưh dêh čar tač rơngiao mơ̆ng lŏn ia, bruă tla hnưh ƀơi anăp mơ̆ng Gong gai dêh čar amăng rơwang Khua pơ ala mơnuih ƀôn sang pơkă brơi./.