Khua git gai pơ ala mơnuih ƀôn sang dêh čar Vương Đình Huệ lăi pơthâo tơlơi anai lơm đĭ pơhiăp amăng jơnum lok 28 mơng Jơnum min apăn bruă Khua pơ ala mơnuih ƀôn sang dêh čar mơguah lơ 13/12. Jơnum pơphun amăng 3 hrơi amăng lơ 13,14 hăng 18/12. Kơ bruă pơgôp hiăp pơđut mông jơnum lok 6, Khua git gai pơ ala mơnuih ƀôn sang dêh čar brơi thâo, tui tơlơi juăt amra lăng glăi djop mơta hluai tui hơdôm tơlơi pơgôp hiăp mơng khua mua hăng mơnuih ƀon sang sem lăng hơdôm bruă kiăng lăng glăi, sit biă ñu kiăng pơplih hơget kiăng hrưn đĭ tŭ yua mơng jơnum.

Bơdjơ̆ nao boh tơhnal pơgôp hiăp jang jai prap lui jơnum lok 7 (blan 5/2024), Khua git gai pơ ala mơnuih ƀôn sang dêh čar Vương Đình Huệ lăi rơđah, phrâo anai hơmâo dua črăn tơlơi phiăn yôm phăn Khua pơ ala mơnuih ƀôn sang dêh čar aka ƀu tŭ yap mă yua hăng dŏ bruă dưm dăp kual ia rơsĭ dêh čar, tơlơi pơtrun ngă lông lăng hơdră yôm phara brơi 3 jơlan hơdră tui hơnong pơkă dêh čar kah hăng sa, dua boh tơhnal kơ prăk kak, ngăn drăp aka ƀu klă tui tơlơi glăm ba mơng Khua pơ ala mơnuih ƀôn sang dêh čar. Yua anun, kiăng pơphun sa mông jơum (ƀu tui tơđar) kiăng pơsir hĭ hơdôm bruă aka ƀu klă hăng ječ ră anai.