Kơnuk kơna rơkâo pơplih anăn jơlan hơdră anai tơdơi kơ pơmut hrŏm lĕ: “Jơlan hơdră hơnong pơkă dêh čar pơđĭ kyar gru grua-mơnuih mơnam, ƀon lan, djuai ania hăng kual čư̆ siăng rơwang thun 2026-2035”. Jơlan hơdră hơmâo pơmut mơng 4 jơlan hơdră ră anai kơ gru grua; pơtô pơjuăt; plơi pla phrâo, pơhrŏ trun ƀun rin, pơđĭ kyar kual mơnuih djuai ania ƀiă hăng čư̆ siăng; bơwih brơi tơlơi suaih pral, mrô ană mơnuih hăng pơđĭ kyar; tui kah pơpha hơmâo 7 grup bruă jao akŏ phun.

Abih tih prăk pơgôp mă yua rơwang thun 2026-2030 him lăng lĕ rơbêh 808.000 klai prăk, amăng anun ngăn drăp kơnuk kơna lĕ 345 rơbâo klai prăk. Him lăng, Ding jum ngă hmua hăng ayuh hyiăng lĕ anom bruă git gai gum hrŏm, djru bruă brơi Khul git gai gơnong glông; Ding jum prăk kak glăm ba djop mơta, kah pơpha, pơplih mă yua prăk kak, djop Ding jum, gơnong bruă ba tơbiă hơnong pơkă, sem lăng boh than dưi ngă; ƀon lan mă yua tơlơi pơkă “Ƀon lan pơsit, ƀon lan ngă, ƀon lan glăm ba”, ruah mă hơdôm črăn, đing nao prăk mă yua, glăm ba djop mơta kiăng kơ ngă klă, djơ̆ hrơi mông.