Tal jơnum anai, ƀing khua pơ ala amra sem lăng, pơsit brơi 10 tơlơi phiăn. Mơguah anai, ƀing khua bơkơtuai ƀơi sang jơnum kơ bruă tuh pơ alin man pơkra jơlan rơdêh đuăi hmar Kơdư - Dơnung gah Yŭ, găn nao Gia Nghĩa (Dak Nông) - Chơn Thành (Bình Phước).

Ăt amăng yang hrơi mơguah mơn, ƀing khua bơkơtuai pơplih glăi bruă tuh pơ alin Jơlan hơdră dêh čar pơđĭ kyar bơwih ƀong huă- mơnuih mơnam kual mơnuih ƀôn sang djuai ƀiă hăng čư̆ siăng rơwang thun 2021-2030. Anai jing sa amăng hơdôm jơlan hơdră prong, hơmâo pơphun ngă đơ đam dêh čar, pơƀut ƀơi hơdôm boh să, plơi pla djuai ƀiă hăng čư̆ siăng. Yang hrơi tlam, ƀing khua pơ ala pơčrông sai ƀơi grup gơñu kơ: Tơlơi phiăn Kơđŏm pơsit hră pơ-ar ta juăt lăi Công chứng (pơkra glăi) hăng Tơlơi phiăn prăk jia pơhrui hăng prăk tuh pơ alin (pơkra glăi).