Hrơi jơnum mơak anai, dưi pơphun ƀơi plơi Wâu, să Čư̆ Ă, plơi prong Plei Ku. Pơhiăp amăng mông jơnum, yă Trương Thị Mai bơni hơ-ơč kơ boh tơhnal plơi Wâu, să Čư̆ Ă hơmâo ngă, gir run găn rơgao amăng thun blan rơgao. Plơi Wâu, dưi ngă djơ̆ tơhnal pơkă plơi pla phrâo hiam hăng hlăk gir run jing plơi pla phrâo hiam ba gru. Ră anai, rơnoh pơhrui glăi mơ̆ng rĭm čô mơnuih ƀôn sang mă bruă sa thun, sa čô 44 klăk prăk. Khua anom pơphun bruă Ping gah dêh čar yă Trương Thị Mai lăi rơđah:

Pơđĭ kyar kual Dap Kơdư lĕ jơlan hơdră prong mơ̆ng Ping gah, kơnuk kơna hăng bruă mă phun, ngă tui re se, hơmâo boh yôm prong kơ pơđĭ kyar ƀơi tơring čar hăng amăng kual, kiăng truh thun 2030 gir run kual Dap Kơdư amra jing kual pơđĭ kyar hmar, hơđong kjăp, pơdrong asah djă pioh gru grua hiam djuai ania. Ƀrô tal anai, Khua anom pơphun bruă ping gah dêh čar yă Trương Thị Mai hơmâo jao 5 boh sang juă glai rơgơi, 60 anung gơnam, prăk hrăm hră kơ sang anŏ ƀun rin, čơđai sang hră ƀun rin tơnap tap.