VOV4.Jarai - Čơtlăm lơ 18/2, Khul čơđai gưl dlông Việt Nam tŭ mă prăk djru pioh kơ Keh prăk djru hăng pơđĭ kyar čơđai gưl dlông Việt Nam hăng hơdôm bruă djru kơsem min bôh thâo phrâo mơng Khul. Thun 2022, Kơ-iăng Khua Khul wai lăng Sang bruă tuh pơplai hăng bơwih ƀong sĭ mơdrô Golf Long Thành Lê Nữ Thùy Dương hmâo kĭ pơkôl ƀơk brơi 10 klai prăk djru Keh prăk djru hăng pơđĭ kyar čơđai gưl dlông Việt Nam kiăng djru ƀing čơđai gưl dlông hmâo tơlơi hơdip tơnap hrưn đĭ amăng bruă hrăm hră.

Khul čơđai gưl dlông Việt Nam tŭ mă prăk djru 20 klai prăk djru čơđai gưl dlông 

Prăk djru anai amra dưi djă pioh ƀơi Keh prăk djru hăng pơđĭ kyar čơđai gưl dlông Việt Nam. Rim thun, Keh prăk amra mă yua ƀơƀiă pioh djru prăk hrăm kơ čơđai gưl dlông. Hrom hăng anun, yă Lê Nữ Thùy Dương ăt ƀơk brơi mơn kơ Khul čơđai gưl dlông Việt Nam 10 klai prăk pioh pơphun hơdôm bruă hrăm hră, pơčeh phrâo, kơsem min bôh thâo phrâo hăng pơplih mrô hăng pok pơhai bruă “Čơđai gưl dlông 5 klă” amăng thun 2022./.

Siu H’ Prăk: Pơblang