Tơhnal pơkă mơ̆ng hơdră anai, kiăng djru kơ mơnuih mơnam tơnap tap kơƀah amăng phung mơnuih mơnam dêh čar, djru ba truh 1 klăk 200 rơbâo čô mơnuih ƀun rin, tơnap tap. Tui hăng sang bruă khul ia jrao kyâo bơrơkal mriah Việt Nam, bruă ngă “Mơ-it gơnam djru tết” kiăng iâu pơthưr ƀing pơdrong čơmah, djop khul grup, sang bruă sĭ mơdrô amăng dêh čar hăng tač rơngiao đing nao djru ba mơnuih ƀôn sang tơnap tap, djru hrŏm tui tơlơi phiăn juăt ngă “Hla hnil gôm ba hla tơ̆i” djuai ania ta, kơnang kơ bruă mơ-it gơnam djru ba têt pơhaih tơpă.

Kiăng djru ba gơnam yua mơnong ƀong huă kơ 1 klăk 200 rơbâo čô mơnuih ƀun rin, tơnap tap, ƀing ƀu hơmâo anih kơnang amăng mơnuih mơnam. Mơ-it gơnam mơak têt lĕ bruă ngă khăp pap pơphun na nao mơ̆ng sang bruă khul ia jrao kyâo bơrơkal mriah Việt Nam hăng anom bruă ƀơi 63 boh tơring čar ƀôn prong. Têt ngă bruă khăp pap pơblih phrâo hơdră djru ba gơnam tam ngă mơak pran jua mơnuih ƀun rin, tơnap tap čơkă thun phrâo ƀong têt mơak hrŏm ƀrô ngă yang thun phrâo djuai ania.