VOV4.Jarai-Lơ 3/8, Grup mut phung anom bruă sĭ mơdrô kơnuk kơna ngă hrom hăng lu anom bruă, sang bruă pok pơhai bruă mă djru mơnuih mơnam ƀơi tơring čar Dak Lak. Lu sang bruă pơphun pơdong sang Khăp pap kơ sang anŏ amai H’Tuyết Niê ƀơi ƀuôn Êa Sut, tơring kual Êa Pôč, tơring glông Čư̆ Mgar; Nao čuă, ƀơk gơnam kơ Anom bruă tơhan blah ngă D19 gah anom bruă tơhan pơgang guai dêh čar tơring čar Dak Lak, ƀơk 45 anung gơnam prăk hrăm hră kơ čơđai sang hră mơnuih djuai ƀiă găn rơgao tơlơi tơnap tap hrăm hră thâo rơgơi dŏ ƀơi să guai dêh čar Krông Na, tơring glông Ƀuôn Đôn;

Grup ƀơk prăk hrăm hră kơ čơđai sang hră mơnuih djuai ƀiă tơnap samơ̆ hrăm thâo

Mă yua hăng jao sa boh tơdron pioh kơ čơđai ngui rơjang drơi jăn hăng ƀơk 30 anung gơnam kơ čơđai ană drit druai, čơđai ƀu klă drơi jăn ƀơi sang bruă rông ba mơnuih mơnam tơnap tap tơring čar Dak Lak. Ƀrô tal anai, Grup anom bruă mut phung sĭ mơdrô kơnuk kơna dŏ jao ring bruă hlăk ai “Ƀing hlăk ai gah khul mut phung anom bruă sĭ mơdrô Kơnuk kơna kơsung nao pơ anăp mă yua ia rơgơi mrô kơ bruă mă djă pioh anom gru hiam đưm dêh čar, hnăl čih pioh Nam Tiến”.

Nay Jek: Pơblang