Thun 2024, bruă djuai ania dưi hmâo abih bang glông bruă kơđi čar hơdôm gưl đing nao črâo ba, gum hrŏm pok pơhai ngă tui, hrŏm hăng tơlơi gir run hrưn đĭ mơ̆ng neh wa djop djuai ania ƀiă, bruă ngă tui bruă djuai ania, hơdră bruă djuai ania amăng thun 2024 hmâo djru pơđĭ kyar bơwih ƀong – mơnuih mơnam. Rơnoh đĭ kyar bơwih ƀong ƀơi hơdôm kual djuai ania ƀiă hăng kual čư̆ siăng đĭ dlông, amăng anun kual Kơdư Yŭ dêh čar đĭ hơnong ñu 8%.

Dap Kơdư đĭ hơnong ñu 7,5%, Dơnung yŭ đĭ hơnong ñu 7%. Amăng thun 2025, Jơnum min djuai ania ba tơbiă 12 bruă jao phun. Amăng anun, đing nao rơnoh bruă, anô̆ klă bruă ngă tui hơdôm Jơlan hơdră pơkă mơ̆ng lŏn ia. Pơhiăp amăng mông jơnum, Kơ-iăng Khua dêh čar ơi Nguyễn Hòa Bình rơkâo hơdôm bôh anom khom đing nao hơdôm ngăn rơnoh ngă tui pơhlôm rơnoh hơdôm jơlan hơdră pơkă mơ̆ng dêh čar, phun ñu lĕ Jơlan hơdră pơkă mơ̆ng lŏn ia djuai ania ƀiă hăng kual čư̆ siăng hăng Jơlan hơdră hrŏ trun ƀun rin kơjăp sui thun./.