VOV4.Jarai - Čơtlăm lơ 10/2, ƀơi ƀirô mă bruă Kơnuk kơna, Khul gum hrom, lăi pơthâo pơtô pơhrăm tơlơi phiăn dêh čar ta pơphun mông jơnum pok pơhai jơlan gah, bruă mă thun 2022. Kơ-iăng Khua dêh čar ơi Phạm Bình Minh, Khua Khul git gai mông jơnum, lăi rơđah bruă Khul hmâo pơphô brơi hăng Grŭp mă bruă Ping gah, Kơnuk kơna kơ bruă lăi pơhing pơtô juăt tơlơi phiăn hăng bruă Kơnuk kơna ngă bruă khul lĕ phun than kiăng Khul ngă tui bruă mă mơng pô pơ̆ anăp anai. Kơ-iăng Khua dêh čar ta črâo rơđah, bruă gum hrom kơplah wah hơdôm ding kơna Khul, kơplah wah hơdôm ding jum, gơnong bruă, tơring čar ƀôn prong amăng bruă lăi pơthâo pơtô juăt tơlơi phiăn dô̆ akă kơjăp mơn, akă na nao ôh, biă ñu amăng hơdôm bruă, anih anom ƀudah djuai mơnuih kiăng hmâo tơlơi gum hrom hơdôm gơnong bruă. Bruă ngă tui sa dua jơlan hơdră gum hrom gah lăi pơthâo, pơtô juăt tơlơi phiăn dô̆ hmâo tơhnal ngă tui tŭ mơng hmâo, bôh tơhnal ba glăi akă prong. Kơ-iăng Khua dêh čar ta ơi Phạm Bình Minh rơkâo: Khom kơtưn thâo hloh mơng abih bang glông bruă kơđi čar amăng lăi pơthâo, pơtô juăt tơlơi phiăn./.

Siu H’ Prăk: Pơblang